Il temp d'uffizi maximal per il u la presidenta communala vegn prolungada. Il nov maximum è sis giadas trais onns - pia 18 onns. Questa revisiun da la constituziun ha la radunanza approvà unanimamain.
Ulteriuras decisiuns
Tenor l'administraziun da Vaz Sut ha la radunanza er approvà cleramain las investiziuns per dus pavigliuns da lain, in tractor d'occasiun per l'economia forestala, ed in indriz fotovoltaic per la scolina. Il pe da taglia resta tar 90% da la taglia chantunala.
Il preventiv per il 2023 è vegnì acceptà senza cuntravusch. La vischnanca da Vaz Sut quinta da far in surpli l'onn che vegn. Tar entradas da radund 18 milliuns francs – prevesa il budget in plus da 209'100 francs.