Siglir tar il cuntegn

Header

video
Chasas da tgira spetgan sin la vaccinaziun da booster
Or da Telesguard dals 27.10.2021.
laschar ir. Durada: 3 minutas 29 Secundas.
cuntegn

Vella e Trun Chasas d'attempads cumbattan cun corona

A Trun en Casa S. Martin sco er en il Da Casa Val Lumnezia a Vella hai dà las ultimas emnas plirs cas sco er mortoris da corona. Perquai èn ils manaders cuntents, ch'i dat bainbaud in vaccin da rinfrestgament.

Dapi mez settember è corona puspè sa derasà en las chasas d'attempads a Trun ed a Vella. I ha dà pliras infecziuns sco er mortoris, er da persunas ch'èn gia stadas vaccinadas duas giadas. Perquai valan uss en questas duas chasas mesiras pli severas: testar, purtar mascras, isolaziun sco er in scumond da visetas. Ils manaders da las duas chasas spetgan vess il «booster».

Jau sper che las persunas che n'èn betg stadas positivas hajan uss ina meglra protecziun.
Autur: Ruth Lichtensteiger Manadra Da Casa Val Lumnezia

Malgrà il dumber aut d'infecziuns saja la situaziun anc betg uschè nauscha sco anc avant in onn, uschia la manadra vinavant. «Las persunas ch'èn vegnidas testadas positiv han gì ina malsogna pli pauc intensiva, nus sentin pia ch'il vaccin protegia e quai dat a mai speranza».

Er en la chasa S. Martin a Trun è la situaziun tendida, pervia da las infecziuns, dentant er perquai ch'il persunal infectà stoppia ir en isolaziun. Quella mancanza da persunal saja fitg grev da remplazzar per il mument, di il manader Donat Nay. Perquai beneventa er el il «booster».

audio
Chasas d'attempads cumbattan cun corona
ord Actualitad dals 27.10.2021.
laschar ir. Durada: 4 minutas 11 Secundas.

«Booster» davent da mez november

Sco la media chantunala Marina Jamnicki di, saja planisà ch'il vaccin da rinfestgament vegnia mez november en il Grischun. Repartì vegnia el cun las structuras existentas, vul dir en chasas d'attempads dattan ils medis la squitta. Las chasas d'attempads èn er quellas che survegnan sco emprimas il vaccin. Il motiv: Persunas pli veglias han in sistem d'immunitad pli plaun. Studis hajan mussà, che la protecziun dal vaccin laschia tar questas persunas suenter, da circa 95% gist suenter il segund vaccin, sin 80% suenter sis enfin nov mais. Tar persunas pli giuvnas na possian ins betg vesair ina reducziun da la protecziun, uschia che quai na fetschia er nagin senn da dar ina terza dosa.

audio
Marina Jamnicki davart la situaziun en chasas d'attempads
ord Actualitad dals 27.10.2021.
laschar ir. Durada: 2 minutas 23 Secundas.

RTR actualitad 17:00

Artitgels legids il pli savens