Siglir tar il cuntegn

Header

cuntegn

Via serrada per quatter uras Levblessads suenter accident sper Zezras

Sonda saira tard è capità in accident a Zezras sin il vial dal sid da l'autostrada A13. Trais persunas èn vegnidas blessadas levamain. Quai ha communitgà la polizia chantunala.

Ina manischunza haja cumenzà da surpassar l'auto davant ella e n'haja betg vesi che l'auto davos ella era gia londervi da surpassar ella. Ils dus vehichels èn lura collidads lateral ed in dals autos è vegnì catapultà sur la saiv da segirezza. Lasuenter è in'ulteriura manischunza collidada cun la roda ch'era rutta giu dad in dals vehichels.

Tuttas persunas pertutgadas èn vegnidas tgiradas da l'ambulanza e silsuenter transportads cun blessuras levas en l'ospital chantunal a Cuira. Durant las lavurs da rumir ha la polizia serrà il vial tranter Landquart e Zezras durant quatter uras.

RTR novitads 16:00

Artitgels legids il pli savens