Il glindesdi suentermezdi, ils 6 da matg, hai dà in grev accident sin la via veglia da Flond sur Glion. In velocipedist che vegniva da la via engiu è collidà cun in tractor sin via ensi. La collisiun saja stada vehementa, scriva la Polizia chantunala. Quai malgrà ch'omadus han franà immediat sin la via stretga e nunsurvesaivla.
Il ciclist da 23 onns è sa blessà grevamain. La Rega ha stuì sgular el en l'Ospital chantunal a Cuira. Il pur ch'ha manischà il tractor, haja tenor la polizia survegnì sustegn psicologic dal «Care Team» grischun. Capità è l'accident vers las 16:30. Ils detagls dal accident vegnan sclerids da la Polizia chantunala.