La sonda ils 29 d'october il suentermezdi, ha la Viafier retica realisà in nov record mundial cun il pli lung tren da persunas. Quai vul dir in tren da 25 cumposiziuns cun 100 vaguns che sa stenda sin ina lunghezza da 1910 meters.
Il tren da record è vegnì manischa da set locomotivists da Preda via Bravuogn fin Alvagni. La cumposiziun da 25 trens «Capricorn» ha surmuntà ils 25 kilometers senza incaps. Uschia ha la Viafier retica realisà il pli lung tren dal mund cun 1'910 meters lunghezza.
audio
Ina resumaziun dal di
05:26 min, ord Actualitad dals 29.10.2022.
Maletg: Swiss-Image
laschar ir. Durada: 5 minutas 26 Secundas.
audio
La tensiun crescha – a Bravuogn
04:39 min, ord Actualitad dals 29.10.2022.
Maletg: MAD
laschar ir. Durada: 4 minutas 39 Secundas.
audio
Grond travasch davant in dals trens da record
04:25 min, ord Actualitad dals 29.10.2022.
Maletg: RTR
laschar ir. Durada: 4 minutas 25 Secundas.
audio
La tensiun crescha avant il record mundial da la viafier
05:35 min, ord Actualitad dals 27.10.2022.
Maletg: Viafier retica
laschar ir. Durada: 5 minutas 35 Secundas.
audio
Retica fa emprova da record cun il pli lung tren
03:11 min, ord Actualitad dals 11.05.2022.
laschar ir. Durada: 3 minutas 11 Secundas.
L'acziun da marketing custa var in milliun francs. Per cuvrir ils custs ha la Viafier retica chattà divers sponsurs, uschia ch'il maun public n'ha da pajar nagut londervi. Era il rest dal traffic public en il Grischun na duai betg vegnir influenzà memia fitg da l'eveniment. Perquai han ils passagiers che vulan ir en l'Engiadina quest di da viagiar via Veraina ed en la Val d'Alvra vegnan organisads bus da remplazzament.
Emprova gartegiada
Il matg da quest onn ha gì lieu l'emprova generala da Preda fin a Bravuogn – in'emprova ch'è gartegiada. Tenor il directur da la Viafier retica Renato Fasciati è la lingia da l'Alvra ideala per in tal record, cunquai ch'ella è spectaculara e tutga tar il patrimoni mundial da l'Unesco. Natiralmain ch'i va per la Viafier retica per far reclama e per attrair dapli passagiers en ils trens, gist suenter la pandemia da corona.