Sco quai che Yvonne Dünser, la pledadra da la Viafier retica ha ditg sin dumonda, na vendia la Viafier retica da principi nagins sgols, magari però excepziunalmain en connex cun in viadi pauschal da Railtour/Frantour. Plinavant saja quai era en l’avegnir pussaivel da far il check-in dals sgols direct a las staziuns da Cuira, Arosa, Tavau Plaz ed a San Murezzan. La vendita d’uschenumnads «Packages», sin basa da provisiun, fetschia or mo ina pitschna part dals affars, ha ditg Yvonne Dünser.
Grischun Viafier retica venda era en l’avegnir mo paucs sgols
Mardi ha la Viafier federala communitgà, da serrar tut lur biros da viadis en Svizra la fin da l'onn. Cuntrari a la Viafier federala, n’ha la Viafier retica nagins biros da viadis. Dasperas bigliets da trens venda la Viafier retica però era en l’avegnir viadis da Railtour, Frantour e Railaway.
Parter
RTR/fb
Parter