Cun surpigliar la colliaziun da la SBB saja era planisà da surpigliar ses urari e betg da porscher colliaziuns supplementaras, scriva la Viafier Sidost.
18 novas plazzas
Plinavant stgaffescha l'interpresa 18 novas plazzas cumplainas per conducturas e conducturs. La raschun saja ch'ils trens interregiunals da las Viafiers federalas na vegnan savens betg accumpagnads, quai vuless la Viafier Sidost midar. Ad els saja impurtant che mintga tren vegnia accumpagnà da persunal, ha ditg il pledader sin dumonda da RTR. Gist perquai che las Viafiers federalas porschan actualmain questa colliaziun senza accumpagnament na vegnian naginas plazzas stritgadas tar ellas cura che la Viafier Sidost surpiglia quest trens, uschia il pledader da las Viafiers fedralas sin dumonda.
Ils trens che vegnan er a cursar en il Grischun han il design da la Viafier Sidost ma era il logo da la SBB.
Augmentar capacitads
La strategia da l'interpresa è da bajegiar ora las capacitads: Uschia bajegia la Viafier Sidost sper la lingia en il Grischun era ora la lingia davent da Turitg a Berna.
