Siglir tar il cuntegn

Header

video
La Viafier retica transportescha bagascha sin via e betg sin rodaglias
Or da Telesguard dals 13.03.2018.
laschar ir. Durada: 3 minutas 20 Secundas.
cuntegn

Grischun Viafier transporta bagascha sin via

Dapi il december 2016 è la Viafier federala responsabla en l’entira Svizra per ils transports da la bagascha. Uschia era per la Viafier retica. Tranter Cuira e San Murezzan e da Landquart a Tavau vegnan quels transports fatgs sin via, e betg sco pli baud sin binaris.

Sco quai che Ueli Künzle, il manader da producziun ost da las Viafiera federalas svizras ha ditg sin dumonda, dovrian ils transports sin via pli pauc persunal ed ins saja pli flexibel da cuntanscher ils lieus da destin. Ultra da quai na sajan diversas staziuns betg pli occupadas e perquai saja pli simpel da transportar la bagascha sin via. Plinavant hajan ils novs trens da la Viafier retica dal tip «Allegra» nagins vaguns da rauba pli, nua che las palettas savessan vegnir plazzadas.

Sin via e sin binaris

Durant dis cun fitg blera bagascha collavura la viafier cun l’interpresa da Transport Kuoni. I vegnan dentant era duvrads trens da rauba cun bagascha. Il nov sistem saja sa cumprovà, uschia Künzle.

Il chantun è l’emprim era stà sceptic che transports da bagascha vegnian per part fatgs sin via. Ma cun quai ch'i sa tractia mo da pitschnas dimensiuns, saja quai franc da supportar, ha ditg Erich Büsser, il manader da l’uffizi da traffic ed energia dal Grischun.

RR actualitad 17:00

Artitgels legids il pli savens