Uschespert che la situaziun permetta, cumenzan las lavurs da fabrica sin las vias grischunas. Actualmain datti en l’entir chantun radund 160 plazzals. Sulet la via sur il pass dal Bernina quinta 12 plazzals.
Da planisar e coordinar tut quels è ina gronda sfida, di il mainaproject da l'Uffizi da construcziun bassa René Oswald. Ch’i dat uschè blers plazzals sin ina curta distanza, haja da far cun la situaziun da l’aura.
En nossa regiun avain nus temp be 5–6 mais per l’entira fabrica. Be durant quels pèr mais pudain nus lavurar senza problems e garantir la qualitad.
L'uffizi da construcziun bassa è responsabel per il mantegniment e la segirezza da las vias chantunalas. Tar ils blers dals plazzals reglan amplas il traffic. Che quellas procuran per disturbis e mintgatant er temp da spetga pli lungs, è conscient a René Oswald. L’alternativa sajan tenor el però be nauschas vias - ed il privel ch’i dettia donns vi dals autos.
Qua vai tar la situaziun actuala da las vias e dal traffic.