Sin la fin d'emna duessan las temperaturas crescher vinavant, sco Sabine Balmer da SRF Meteo declera. Envers la fin d'emna pon ins quintar cun temperaturas da 9 tochen 10 grads a Tavau e Scuol, 11 a Mustér e schizunt 12 grads a Cuira e Glion.
Nagut extraordinari per in favrer
Sabine Balmer declera ch'il favrer saja in mais nua ch'i dettia savens midadas extremas: «I ha dà en il passà savens favrers ch'eran fitg fraids ni fitg chauds». Tge ch'è percunter extraordinari, èn las temperaturas excepziunalas sin ils culms. Là hajan ins mesirà temperaturas tochen 10 grads pli autas che normalmain durant quest temp.
Il sulegl resta vinavant
Era vers la fin dal mais resti en la gronda part dal Grischun fitg bel. Quai grazia ad ina zona da pressiun auta sur las alps che porta aria chauda dal vest.
Adattà al tema
RR actualitad 06:00
