Er l'auter onn ston ins pajar en Tumleastga 110% da la taglia chantunala simpla. Quai ha la radunanza communala decidì. Medemamain ha ella approvà il preventiv per l'onn 2023. Tar entradas ed expensas da bun 13 milliuns francs serra quel cun in gudogn da 84'000 francs.
Vinavant ha la radunanza communala approvà da metter a pèr las indemnisaziuns per commembras e commembers da las cumissiuns da scola e da construcziun. Er il credit supplementar per il lavuratori communal e l'edifizi da l'administraziun è vegnì approvà.
