Siglir tar il cuntegn

Header

audio
Daco dovri ina nova organisaziun?
Or da Actualitad dals 12.10.2022.
laschar ir. Durada: 3 minutas 24 Secundas.
cuntegn

Vischnancas s'uneschan Pievel decida davart «Partenz Marketing»

Ina nova organisaziun duai promover il turissem en il Partenz. Quella è pli favuraivla e tut las 10 vischnancas fan part. Il november e december decidan las radunanzas communalas.

«Partenz Marketing» duai remplazzar l'organisaziun existenta cun il num «Partenz Turissem» che aveva problems finanzials, perquai che votantas e votants da Schiers avevan decidì da sortir e l'organisaziun era vegnida schliada l'avrigl 2023. Plinavant n’eran betg tuttas vischnancas dal Partenz da la partida.

La nova organisaziun «Partenz Marketing» ha tenor communicaziun ils suandants avantatgs visavi l’organisaziun veglia:

  • Tuttas vischnancas da Seewis fin Claustra èn da la partida
  • Ella custa be 240’000 francs l’onn empè da 500'000 francs
  • I sa tracta d’ina partiziun da la regiun Partenz/Tavau e betg pli d’ina organisaziun privata

Las incumbensas principalas èn da tgirar la marca Partenz, da cuntinuar cun la pagina d’internet e da porscher la plattafurma da reservaziun. I sa tracta da survetschs da basa - ulteriurs servetschs ston las vischnancas rembursar dapersai.

Repartiziun dals custs

Finanziada vegn l’organisaziun cun contribuziuns da las vischnancas. La clav da repartiziun sa drizza tenor il dumber d’abitaziuns da vacanzas ed il dumber da letgs da hotel. Be Claustra paja ina pauschala, damai che Claustra lavura atgnamain puncto marketing turistic surtut cun Tavau.

Claustra sco emprima da la partida

A Claustra ha la suprastanza communala gia decidì da far part da «Partenz Marketing». En las autra vischnacas decidan las radunanzas communalas, danor Schiers che decida a l’urna. Sche tuttas vischnancas van d’accord, po l'organisaziun cumenzar cun sia lavur la primavaira 2023.

RTR novitads 12:00

Artitgels legids il pli savens

Scrollar a sanestra Scrollar a dretga