Vita da circus - Duas artistas raquintan da lur vita

L'onn 2006 è Anita Gadola (39) sa decidida da prender la valisch, laschar ina part da sia vita enavos ed ir tar il Circolino Pipistrello. In circus, che ha fin oz la filosofia da far circus cun e per la glieud. Uschia vegn il circus engaschà da differentas scolas, fatschentas ed instituziuns socialas per emnas da project.

Dus onns tar il Circolino Pipistrello

Durant ils dus onns en il circus ha Anita Gadola emprendì dad esser curaschusa ed empruvar ora novas chaussas. Uschia ha ella emprendì da sunar differents instruments, da bajegiar si ina tenda, far acrobatica en ils auts e lavurar ensemen cun creschids ed uffants. Ma era il viver sin pitschen spazi è stà ina experientscha enritganta per Anita Gadola:

Ina vita sco clownessa ordaifer il circus

Tar mintga circus datti artists, animals e natiralmain era ina clownessa u in clown. I dat dentant era clowns, che na fan betg part d'in circus.

Uschia per exempel Maria Dunst (42). Ella è oriundamain da l'Austria e viva uss ensemen cun ses um, ch'è medemamain clown da professiun, a Sagogn. Plinavant è ella adina puspè sin tribuna sco clownessa. La vita da clown en il circus, emna per emna en la manescha, ha dentant mai propi tschiffà ella:

Ozendi dat ella differents curs da pedagogia da circus; quai è quai ch'ella fa il pli gugent. Acrobatica, schonglar e clownaria (tipics «slapsticks» sco reagir sin ina schleppa enturn las ureglias, u co ruclar realistic) fan part da quai ch'ella mussa.

Ord l'archiv:

RR actualitads 07:00