Siglir tar il cuntegn

Header

video
L'emprim vlog en iert
Or da Battaporta dals 18.05.2020.
laschar ir. Durada: 5 minutas 41 Secundas.
cuntegn

Grischun Vlogs en iert – dal sem fin a la racolta

Questa stad è la stad perfetga per far iert. Ma pertge? Perquai che nus na pudain betg ir lunsch en vacanzas ed era betg a festivals gronds. Persuenter vegnin nus probabel a passentar bler temp a chasa. Pia laschain ir liber la stagiun e zerclain, semnain e racoltain.

Questa stad datti vlogs en iert. Davent dal sem fin a la racolta rapporta nossa redactura Nina Defuns dal progress da l'agen iert. Era voss tips per far iert en tschertgads.

Il sisavel vlog en iert

Tge far cun tut ils zuchettis?

Zuchettis, finotg e tomatas - e quai mintga di. Nina raccolta il mument pli bler che quai ch'ella vegn da mangiar. Perquai ha ella decis da fermentar ses legums. Co quai va, vesas ti en il vlog.

E tge faschessas ti cun tantas verduras?

video
Vlog en iert 6 - Tge far cun tut ils zuchettis?
Or da Battaporta dals 21.08.2020.
laschar ir. Durada: 3 minutas 20 Secundas.

Il tschintgavel vlog en iert

Il pli bel temp

I marscha gist bler en iert. Blers legums e fritgs èn madirs ed i è il temp da la raccolta. Per quai vlog ha Nina visità Carmen Blumenthal da Vella. Ella fa gia l'entira vita iert ed ha raquintà a Nina, pertge ch'ella ha cumenzà gia cun tschintg onns a far iert.

video
Vlog en iert 5 - il pli bel temp
Or da Battaporta dals 22.08.2020.
laschar ir. Durada: 4 minutas 2 Secundas.
video
Vlog en iert 5 - il pli bel temp
Or da Battaporta dals 22.08.2020.
laschar ir. Durada: 4 minutas 2 Secundas.

Il quart vlog en iert

Tura dad iert

Tut crescha ad in crescher e perquai èsi temp per il quart vlog en iert. Nina fa ina tura d'iert e mussa co i stat cun las verduras. E lura telefonain nus a Carmen Blumenthal da Vella - per mirar sche ella lascha vegnir sperasora nus en ses iert.

video
Vlog en iert 4 - tura dad iert
Or da Battaporta dals 13.07.2020.
laschar ir. Durada: 6 minutas 38 Secundas.

Il terz vlog en iert

Nagin gust da zerclar

Oz raquinta Nina en ses vlog en iert da muments che n’èn betg uschè cools. Per exempel cura ch'i va per zerclar.

Ma ella va era a la tschertga d’in tric co vus stuvais zerclar pli pauc e bagnar pli pauc. Avais mirveglias?

video
Il terz vlog en iert – nagin gust da zerclar
Or da Battaporta dals 26.05.2020.
laschar ir. Durada: 3 minutas 37 Secundas.

Il segund vlog en iert

Tgi dovra schon in plan per semnar in pèr legums?

Quai è Nina sa dumandada avant ch'ella ha emprendì d'enconuscher Rosa Hunger. Lezza raquinta pertge ch'in plan è impurtant e mussa gist a nus ses iert a Cuira.Uschia ha quai tuttina dà in plan per l'iert da Nina e suenter èsi finalmain stà uschè lunsch: temp per semnar!

video
Il segund vlog en iert
Or da Battaporta dals 21.05.2020.
laschar ir. Durada: 5 minutas 45 Secundas.

L'emprim vlog en iert

Volver, suar, lavurar – tgi che vul in iert sto lavurar.

Quai ha era nossa redactura Nina Defuns sentì las ultimas emnas. Per fortuna ha Guido Albin dà ad ella tips e trics co volver l’iert. E l’iert da Guido Albin avain nus era gist visità.

video
L'emprim vlog en iert
Or da Battaporta dals 18.05.2020.
laschar ir. Durada: 5 minutas 41 Secundas.

Tschertgà: tips e trics da far iert

video
Nina fa iert - cun tes agid
Or da Battaporta dals 08.04.2020.
laschar ir. Durada: 1 minuta 20 Secundas.

Sche vus avais in pau idea da far iert as annunziai via e-mail a «social@rtr.ch». Cun voss tips e trics realisescha Nina lura in iert. Quels tips e trics e voss agens bels ierts vegnan lura ad esser part dals vlogs en iert. Uschia pudain nus parter in cun l'auter il plaschair da far iert e gidar in a l'auter.

Tge èn vlogs?

Avrir la box Serrar la box

In vlog è ina sort diari en furma da video. Vlogs vegnan publitgads regularmain e sa tractan dad in tema tar il qual ch'i dat plirs vlogs. Normalmain chattan ins sin plattafurmas socialas u youtube blers vlogs tar tut ils temas pussaivels. Nos «vlogs en iert» tractan il tema far iert durant l'entira stagiun da stad fin l'atun.

RTR Battaporta

Artitgels legids il pli savens