La morala da lavur davent dals Boomers fin Gen Z
Las generaziuns pli veglias èn mo vi da lavurar ed ils giuvens na pon insumma betg lavurar pli. Quai èn savens las renfatschas che las differentas generaziuns fan ina l'autra.
Serrar il laptop punct las 17:00 na fa betg ina buna impressiun! Minimum lavurar 5 minutas dapli. Sche la lavur fa plaschair na ston ins betg scriver si mintga singula surura!
Lucia Parolini e Ronja Muoth han vulì chattar ora sche la morala da lavur tranter las generaziuns è propi uschè differenta. Perquai èn ellas idas sin via a dumandar persunas da tut la vegliadetgna tge ch’è impurtant per ellas ed els tar ina plazza da lavur il 2024. Vinavant han ellas discurrì cun Gino Clavuot ch'ha fatg ina strategia tge ch'è ozendi in bun patrun da lavur.
La conclusiun? Tja, per gliez stuais guardar il Telesguard! :)
Èn ils chanals da social media dal chantun lungurus?
Livio ha guardà ils feeds dals differents chanals da social media dal chantun. Sia impressiun: Posts fitg precauts – e forsa schizunt in zic lungurus. Ma tgi stat insumma davos ils chanals dal chantun? E pertge n'è il chantun betg pli divertent sin social media?
Nus na sautain betg sin l'exchavaziun. Nus na faschain betg teater!
Tar il chantun è infurmaziun trumf sin social media. In budget per ina persuna che tgira ils accounts da social media dal chantun na datti betg. Flurin Spescha è expert da social media e vesa quai critic:
Ins sto avair l'expertisa, il temp ed in budget per investir. Uschiglio resti tar paucs likes e followers.
