-
Bild 1 von 4. Ils uffants dalla sisavla classa da Mustér e conturn han fitg gugent l'instrucziun d'englais. Bildquelle: RTR, Pietro Jacomet.
-
Bild 2 von 4. Il scolast da classa Gion Tenner è medemamain persvadì da l'englais sin livel da scola primara. Bildquelle: RTR, Pietro Jacomet.
-
Bild 3 von 4. Vid ina stgaffa da la stanza da scola penda il placat cun la sentenza «Keep calm and carry on.» - «Sta luc e fa vinavant.». Bildquelle: RTR, Pietro Jacomet.
-
Bild 4 von 4. Ord la stanza da la scola da Gion Tenner a Mustér chattan ins quasi mo tuns positivs dal englais en scola primara. Bildquelle: RTR, Pietro Jacomet.
Trais linguas ston ils scolars emprender sin il stgalim primar. Per els na saja quai dentant nagin problem. Uschia tuni almain en la stanza da scola da Gion Tenner a Mustér. Ils scolars da la sisavla classa èn fitg motivads dad emprender ina segunda lingua estra gia en primara.
Era il scolast da classa è persvadì
Englais en scola primara è ina buna chaussa. Tenor mia opiniun na porta l'englais nagins dischavantatgs.
Cunzunt per ils Rumantschs saja l'englais fitg impurtant. Era possia la lingua englaisa esser in agid per la lingua rumantscha, cunquai che grevs pleds sajan medems u sumegliants.
Mo ina lingua estra en scola: Opiniuns da Mustér
I dat dentant era vuschs criticas da magisters
Betg tut vid l'emprender englais sin il stgalim primar saja dentant positiv. Uschia han intgins scolasts crititgà differents puncts. Per exempel saja il med d'instrucziun betg structurà bain. Da l'autra vart hajan lecziuns da roms pratics sco zambregiar u scola da lavur stuì vegnir stritgadas. Ed per scolars cun difficultads dad emprender linguas saja i pretendì bler, d'emprender duas linguas estras gia sin livel da scola primara.
RR actualitad 08:00