La vischnanca da Claustra ha approvà la revisiun parziala da la planisaziun locala per engrondir la deponia «in den Erlen». Tar la votaziun a l'urna han 85% da la populaziun ditg Gea a quest project, sco la vischnanca scriva.
En il territori «In den Erlen», directamain a l'ost dal transport d'autos «Vereina», è ina deponia per dismetter material da stgavament betg contaminà. Il volumen da deponia duai vegnir engrondì da ussa 150’000 meters cubics cun in volumen supplementar da fin 190’000 meters cubics – ad in total da maximalmain 340'000 meters cubics.
Plinavant ha il suveran approvà il budget per l'auter onn. Quel quinta cun in resultat gulivà, tar expensas ed entradas da bunamain 43 milliuns francs. La populaziun ha era decis da reducir il pe da taglia da 90 sin 78% da la taglia chantunala simpla.
La participaziun a l'urna è stada tar radund 34%.
