- President Donald Trump è arrivà gievgia damaun a las 10:20 Turitg.
- Donald Trump è partì cun il «Marine One» da Turitg gnanc 30 minutas suenter arrivar a Turitg.
- A las 11:24 è l'emprim helicopter sa platgà a Tavau. Donald Trump è vegnì cun il davos dals 7 helicopters ed è sa platgà a las 11:27 sin la segunda plazza d'atterrar.
- Donald Trump è sortì dal helicopter a las 11:32. Trump è entrà en in auto ed il convoi è a las 11:37 sa mess da viadi en direcziun hotel.
- Il president american è arrivà en l'Hotel Intercontinental.
Enturn mezdi è il president american arrivà en ses hotel. El ha betg ditg temp per sa revegnir dal viadi: Il suentermezdi il spetga l’emprim in inscunter persunal cun la primministra britannica Theresa May e suenter cun il primminister israelian Benjamin Netanjahu. En omadus discurs duai ir sur da las crisas internaziunalas, sco en la Corea dal Nord e l’Iran, ma era per il cumbat cunter il terrorissem internaziunal, communitgeschan represchentants da la regenza americana.
-
Bild 1 von 8. Il convoi ha manà Donald Trump segiramain tar ses hotel. Bildquelle: Keystone.
-
Bild 2 von 8. Ditg èsi stà intschert, uss èsi definitiv: Donald Trump è preschent a Tavau. Bildquelle: Keystone.
-
Bild 3 von 8. Tavau ha spetgà, trump è arrivà. Bildquelle: Keystone.
-
Bild 4 von 8. Curt suenter d'arrivar a Turitg è Donald Trump gia puspè partì. Bildquelle: Keystone.
-
Bild 5 von 8. Donald Trump è arrivà a Turitg a las 10:20. Bildquelle: Keystone.
-
Bild 6 von 8. L'aviun cun il president è sa platgà. Bildquelle: Keystone.
-
Bild 7 von 8. Eroport da Turitg en stadi excepziunal. Bildquelle: Keystone.
-
Bild 8 von 8. Trump avant la partenza dals Stadis Unids. Bildquelle: Keystone.
Pir damaun vegnia lura Trump a sa preschentar publicamain al WEF e tegnair il pled final da l'inscunter. Avant vegn el era anc a s’inscuntrar cun il president da la Confederaziun Alain Berset.
Curt avant sia partenza aveva Trump communitgà via Twitter:
RR novitads 10:00