Apunta, i dat ina massa da raquintar. Quai munta, ch'i dat er ina massa da lavurar. A bun’ura enturn las 8 han cumenzà noss dis da la lavur. Nus essan siglidas da workshop a workshop, avain fatg contribuziuns per il radio, texts, fotografias e films per online e anc scrit il diari. Nus ans eran talmain profundadas en la lavur, che quai ha fatg «zac» e i è la saira da las 9, las 10. E tuttenina vegni endament: Ouu, jau n'hai oz mangià quasi nagut, bavì ha jau era mo in per cafés ed en sasez stuess jau ir sin tualetta. Gea ins é talmain en la lavur, ch’ins emblida effectivamain las raubas las pli essenzialas.
E perquai ch'i è in «must» dad ir anc en la renumnada sortida la saira, vegn il durmir plitost ina chaussa secundara. Ma quai na fa nagut ;-)
-
Bild 1 von 6. Lavurar al WEF è ina nov'experientscha. Bildquelle: RTR, R. Müller.
-
Bild 2 von 6. Ils dis da lavur eran intensivs, ma lässigs. Bildquelle: RTR, F. Caduff.
-
Bild 3 von 6. Lavurà hai jau en in biro cun ils collegas da SRF. Bildquelle: SRF, S. Bucher.
-
Bild 4 von 6. En tut eran 13 persunas en il pitschen biro. Adina n'avevi betg avunda sutgas per tuts. Bildquelle: SRF, S. Bucher.
-
Bild 5 von 6. En il biro era installà in studio provisoric. Bildquelle: RTR, F. Caduff.
-
Bild 6 von 6. E Riccarda Müller ha lavurà en il minibus da RTR. Bildquelle: RTR, F. Caduff.
In temp grondius
Però, uschè intensiv ch'ils dis da lavur èn, tant pli «lässigs» ed extraordinari èn els! Tge che capità uschiglio anc sin il mund na vegn betg a savair. Igl é sco da viver en in mund fictiv u meglier ditg - en ina vaschia.
Ma jau crai che jau vegn pir a realisar en intgins dis, tge che vai tut pudì passentar al WEF.
So, ed uss è il WEF quasi a fin. Cun quai è quest mes ultim diari, ed i vegn temp per dir «A revair». I m'ha fatg plaschair da partir mia premiera al WEF cun VUS.
Grazia fitgun!