La dumonda da bajegiar saja uss en lavur, e vegnia probabel inoltrada quest atun – ha la cassa da pensiun inditgà sin dumonda da las gasettas da la Somedia. Era suenter saja però pussaivel ch'i dettia ulteriurs retards. Tranter auter pervi da recurs, suenter che la dumonda da bajegiar è publitgada.
La surbajegiada a l’entrada dal Welschdörfli prevesa da construir 33 abitaziuns, sin in areal tranter la Kasernenstrasse e la Sägenstrasse. La cassa da pensiun prevesa d’investir radund 35 milliuns francs en il project.
En vista al project han ins stgarpà giu avant trais onns pliras chasas sin l'areal. Dapi lura va il project pe zop. Entant serva l’areal a divers dievers. Uschia hai gia dà ina plazza da ballape temporara, in project da schrebertins ed occurrenzas.
