Siglir tar il cuntegn

Header

cuntegn

Welschdörfli Cuira terminescha sustegn finanzial dal center da test

A partir da la fin avust na sustegna la citad da Cuira betg pli il center da test en il Welschdörfli, quai sco planisà. Dapi il fanadur dettia avunda dosas per ils giuvenils da sa laschar vaccinar, argumentescha la citad.

Tras ina cooperaziun da la citad da Cuira, Gastro Grischun ed ils possessurs dals clubs steva il center a disposiziun mintgamai il venderdi e sonda saira tranter las otg e l'ina da la damaun. La citad ha sustegnì il center cun 37'000 francs. Co vinavant cun il center n'è anc betg enconuschent. Tenor communicaziun stettia liber a la gastronomia da mantegnair la purschida.

Ord l'archiv

La fin zercladur avevan gastronoms en il Welschdörfli anc intgins dubis sche la pratica cun ils certificats funcziuna. RTR ha rapportà:

audio
Il certificat da Covid – dus exempels or dal Welschdörfli a Cuira
02:50 min, Sport ed actualitad dals 19.06.2021.
laschar ir. Durada: 02:50 minutas.

RTR Novitads 20:00

Artitgels legids il pli savens

Scrollar a sanestra Scrollar a dretga