Siglir tar il cuntegn

Header

cuntegn

World Economic Forum Nova allianza da cultura da construcziun

La cultura da bajegiar duai daventar pli persistenta. Per quest intent han radund 30 ministras e ministers da cultura da l'Europa fundà a l'ur dal WEF a Tavau in'allianza da cultura da construcziun. Envidà a questa conferenza a l'ur ha il president da la Confederaziun, Alain Berset.

La Svizra vegn a presidiar quest'allianza per tschintg onns. Il secretariat vegn manà dal WEF. Cun lez sco partenari vegnia l'allianza renconuschida pli vast. Berset vul tranter auter che la cultura da construcziun daventia in instrument cunter il stgaudament dal clima. Quai saja indispensabel per franar la midada dal clima.

L'allianza duai procurar per chasas cun ina buna effizienza d'energia senza donnegiar monuments. I duai dar ina collavuraziun tranter ils secturs privats, la societad civila e la politica.

Per l'Ucraina che fa medemamain part da l'allianza saja quai impurtant per la reconstrucziun suenter las devastaziuns entras la Russia.

audio
Per tadlar: curt e cumpact
ord RTR Audio dals 16.01.2023.
laschar ir. Durada: 1 minuta 3 Secundas.

RTR novitads 17:00

Artitgels legids il pli savens