Venderdi saira hai dà sin l'A13 datiers da Zezras ina collisiun tranter dus autos, sin il vial sanester da l'autostrada. Suenter l'accident èn ils dus autos stads eri sin il vial. Durant ch'il manischunz dal vehichel davostiers ha installà il signal da panna ha l'auto davanttiers midà sin il vial da panna.
Cura ch'il um è returnà tar ses auto ha el vis che l'auter auto è charrà vinavant en direcziun sid sin il vial da panna. La polizia intercurescha l'accident e tschertgà il manischunz u manischunza da l'auto che ha bandunà il lieu d'accident.