Siglir tar il cuntegn

Header

cuntegn

Guerra en Ucraina Grüsch-Danusa sto stritgar manaschi da stad

Las pendicularas Grüsch-Danusa ston stritgar il manaschi da stad. Ad els mancan parts da transfurmaturs pervi da la guerra en Ucraina. Uschia na posian ins betg far la revisiun necessaria.

Il directur da Grüsch-Danusa, Mario Davatz, ha ditg a l'agentura da novitads Keystone-SDA, ch'igl era planisà da laschar ir las cabinas ils mais da fanadur ed avust. La fatschenta da stad na saja dentant insumma betg da cumparegliar cun il manaschi d'enviern. E per la proxima stagiun d'enviern avessan els gia in furnitur alternativ per la tocca che manca uss.

Sumegliants problems, che frainian il manaschi, na sajan fin uss betg enconuschents tar autras interpresas da pendicularas en Svizra. Quai ha scrit il directur da Pendicularas Svizra, Berno Stoffel, en in mail a l'agentura da novitads Keystone-SDA.

Sco Davatz ha ditg vinavant, saja dentant er la gastronomia a la muntogna averta per tuts tranter il zercladur fin la fin settember. Il territori saja accessibel cun velo u per viagiar.

audio
Explicaziun da Mario Davatz
aus RTR Audio vom 14.04.2022.
abspielen. Laufzeit 13 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga