Siglir tar il cuntegn

Header

cuntegn

Gulivaziun da finanzas 61 milliuns per il 2022

A las vischnancas grischunas conceda la regenza l’onn che vegn 61 milliuns en furma da contribuziuns per la gulivaziun da finanzas. Quai è tuttina bler sco l’onn current. Il chantun finanziescha 41 milliuns francs e las vischnancas cun bleras resursas 20 milliuns francs, sco la regenza ha communitgà.

Farera 14 giadas pli ferm che Furna

Il potenzial da las resursas che decidan l'autezza da las contribuziuns da gulivaziun per l'onn 2022 è s'augmentà per 3% sin 838 milliuns frans. La forsch tranter las vischnancas – en connex cun il potenzial da da resursas – è vegnida pli gronda: Actualmain è la vischnanca da Furna la pli debla e Farera la pli ferma.

Da las 101 vischnancas survegnan 25 vischnancas contribuziuns per l'agid social, totalmain 2,8 milliuns francs. Da quai va la gronda part a la citad da Cuira. 44 vischnancas survegnan daners perquai ch'ellas èn ora en la periferia u han paucs scolars e scolaras. En tut èn quai 24 milliuns francs – sco gia l'onn current.

Quels daners vegnan mess a disposiziun cumplainamain dal chantun. La pli gronda part da quests daners van a vischnancas da las regiuns Surselva e Partenz/Tavau.

audio
Per tadlar curt e cumpact
ord Novitads dals 02.09.2021.
laschar ir. Durada: 1 minuta 10 Secundas.

RTR novitads 09:00

Artitgels legids il pli savens