Siglir tar il cuntegn

Header

audio
HCD sto prender si credit e spargnar – intervista cun Marc Gianola
Or da Actualitad dals 22.09.2021.
laschar ir. Durada: 02:52 minutas.
cuntegn

HCD dovra agid Al HCD mancan 3,8 milliuns francs

Tar il Club da Hockey da Tavau datti ina rusna da 3,8 milliuns francs en la cassa. Quai ha il manader da gestiun dal HCD, Marc Gianola, declerà envers las gasettas da la Somedia. Las cifras exactas vegnan preschentadas l'october. Senza l'agid «à-fonds-perdu» da la Confederaziun fiss il minus tar passa 5 milliuns francs. Il club ha ussa dumandà in credit transitoric da 3,8 milliuns francs. Ulteriuras mesiras per spargnar èn gia realisadas. Uschia ha il cader a disposiziun quest onn 1 milliun pli pauc.

Da tut las equipas en la liga naziunala ha il HCD survegnì il pli pauc sustegn. Raschun è che la clav da repartiziun sa basa sin las entradas tras aspectaturs dal 2018/19 – la mendra stagiun dapi onns dal HCD, nua che l'equipa aveva stuì dar en ils playouts. Be radund 4300 aspectaturs eran en media en il stadion. La Cuppa Spengler n'è betg vegnida quintada per il sustegn ed ha ultra da quai betg gì lieu il davos onn.

Il chantun Grischun sustegna il club da Tavau cun 150'000 francs. Blers possessurs da cartas permanentas desistan da la pussaivladad da survegnir quella pli favuraivel. Ma per il mument mancan era ils aspectaturs: Gist 3000 han guarda il gieu cunter ils Rapperswil-Jona Lakers il venderdi saira.

RTR novitads 06:00

Artitgels legids il pli savens

Scrollar a sanestra Scrollar a dretga