Ils letgs en ils hotels grischuns èn stads occupads meglier il favrer, cumpareglià cun il favrer dal 2021. Per bunamain in quart èn las pernottaziuns s'augmentadas, sin passa 820'000, communitgescha l'Uffizi per economia e turissem dal Grischun. Er en la media dals davos tschintg onns hai dà in plus da 10% il favrer. Da las grondas destinaziuns ha cunzunt Flem-Laax fatg in grond sigl (+24%), sch'ins guarda la media da las cifras da tschintg onns.
Er las pernottaziuns svizras èn s'augmentadas il favrer; quai per 41% sin 2,8 milliuns, cumpareglià cun il favrer 2021.