- Il parlament da Vaz ha decidì ch'ils votants e las votantas duaian decider sch'il gremi duaja vegnir abolì u betg. La pretensiun deriva d'ina iniziativa. Quella è vegnida inoltrada la fin d'avrigl ed è valaivla. Il cussegl communal ha en sia sesida decidì da betg abolir sasez, quai cun 15:0 vuschs. Uschia vegn decidì a l'urna.
- La stagiun da lavinas 2024/25 sajan en tut 21 persunas mortas, communitgescha l'Institut federal per la perscrutaziun da naiv e lavinas SLF. 11 da quels, pia passa la mesadad, èn morts il mais da matg. Tenor expertas ed experts haja quai gì da far cun las cundiziuns da l'aura extraordinaras. L'aura bletscha e fraida haja procurà per ina cuverta da naiv instabila. En general sajan persunas che fan turas da skis e freeriders dentant adina meglier preparards che auters onns.
- La 77avla Festa federala da gimnastica a Losanna è ida a fin cun la ceremonia finala. 65'000 sportistas e sportists da l'entira Svizra hajan fatg part, communitgeschan ils responsabels. Els sa mussan cuntents cun l'andament e discurran d'in grond success.
- La notg passada èn ils Stadis Unids intervengnids en la guerra da l'Israel e l'Iran. Quai cun attatgar, e tenor atgnas indicaziuns – destruir, trais cundrizs atomars en l'Iran. L'Iran sez discurra d'in act barbaric ed ha punctuà da salvar tut las opziuns per reagir. Era ils Stadis Unids smanatschan cun ulteriuras attatgas. Quasi l'entir mund appellescha da deescalar la situaziun en il Proxim Orient.
Il di en survista
Themen in diesem Newsticker
- Il schef da la ONU appellescha a precauziun e diplomazia
- Appel a tractativas
- Tour de Suisse: Joao Almeida gudogna
- Contaminaziun da diesel sin il Lai da Turitg
- Preoccupaziun mundiala pervi da situaziun en il Proxim Orient
- Vaz: il suveran decida davart il futur dal parlament communal
- 65'000 sportistas e sportists a la Festa federala da gimnastica
- Croazia: incendis a la costa da l'Adria stizzads
- Svizra inquietada da l'escalaziun en il Proxim Orient
- Svizra: 21 persunas mortas da lavinas l'enviern passà