- A Zernez è ida a fin la 19avla ediziun dal maraton da velos. Suenter ch'ils organisaturs han stuì dar giu la cursa principala l'onn passà pervi da l'aura, han els quest onn gì fortuna cun l'aura ma discletg ch'igl ha dà in accident. Uschia han els stuì interrumper e neutralisar la cursa sin il Pass da l'Alvra per ina mes'ura. Suenter han las ciclistas ed ils ciclists pudì cuntinuar sco planisà. Gudagnà la cursa principala han tar ils umens Pascal Schmid e tar las dunnas la Tudestga Janine Meyer.
- Manaschis purils che han il spazi nua ch'ils animals pon circular libramain entaifer la stalla han sco i para per part survegnì nungiustifitgadamain contribuziuns per il bainstar dals animals. Quai rapporta la NZZ am Sonntag. Surfatschas entaifer la stalla na valan tenor in'expertisa da l'Uffizi federal per agricultura numnadamain betg sco lieus da pascular.
- Il minister da defensiun Martin Pfister vul proteger meglier las plazzas aviaticas militaras cunter spiunascha. Era quai rapporta la NZZ am Sonntag. Sco mesiras vesa el tranter auter dapli zonas cun scumonds da scular e dapli camuflagis e paravistas. El quinta cun custs supplementars da 60 milliuns francs.
- Success istoric per il team Sauber en la furmla 1: Suenter 13 onns èsi puspè gartegiar dad ir sin il podest. Nico Hülkenberg è partì da plazza 19 e daventà terz al grond premi da Silverstone en la Gronda Brittania.
Il di en survista
Themen in diesem Newsticker
- Euro 2025: Svizra gudogna cun 2:0 cunter l'Islanda
- Delegaziun israeliana viagia en il Qatar per discurs
- Christoph Zingg banduna la Pleiv evangelica Cadi
- Euro 2025: Norvegia batta la Finlanda cun 2:1
- Mathieu van der Poel gudogna la 2. etappa dal Tour de France
- Joel Wicki gudogna la festa da lutga da la Svizra Centrala
- Plaz da podest istoric per Sauber
- Giro d'Italia cumenza optimal per Marlen Reusser
- Accident tar il maraton da velo en l'Engiadina
- Scala a Milaun vul vestgadira pli adattada per ils giasts