- La regenza americana annunzia dazis da 30% per imports da l'Uniun europeica ed il Mexico, quai resulta dad ina brev dal president, Donald Trump ch'è vegnida publitgada sin sia plattafurma per novitads curtas «Truth Social». Ils dazis duain valair a partir dal prim d'avust.
- Ad Arolla en il chantun Vallais sto il pli aut campadi da la Svizra serrar pervia dal privel da bovas. Quai ha decis il chantun suenter in plant dals gestiunaris. La presidenta communala dad Evolène ha confermà in rapport da la gasetta «Le Nouvelliste». Il campadi d'Arolla sa chatta sin prest 2000 meters sur mar.
- Avant 150 onns è il vitg da Cavaione en il Puschlav sco ultim lieu daventà ina part da la Svizra. Ils 12 da fanadur 1875 èn ils 108 abitants daventads Svizzers. Ozendi è Cavaione ina fracziun da la vischnanca da Brusio. Avant ch’els èn daventads Svizzers, èn ils abitants da Cavaione quasi stads senza naziunalitad.
Il di en survista:
Themen in diesem Newsticker
- Plirs tozzels morts tar attatgas en la Strivla da Gaza
- Calanda Broncos per la 14avla giada campiuns svizzers
- Dieschmillis da persunas han persequità il Basilea Tattoo
- L'Iran vul tuttina cuntinuar la collavuraziun cun l'IAEA
- Chastels da la Baviera tutgan da nov tar il patrimoni mundial
- Tour de France: Milan gudogna 8avla etappa
- Tennis: Iga Swiatek triumfescha a Wimbledon cun 6:0 e 6:0
- Cursa d'orientaziun: staffetta dals umens fa argient
- Reacziuns sin ils dazis americans
- Marlen Reusser sto dar giu il tricot rosa