- Als campiunadis mundials da mountainbike a Crans-Montana ha la squadra Svizra pudì celebrar oz. Il Turitgais Finn Treudler ha cumplettà ses set da medaglias. Quai cun gudagnar suveran la cursa da cross-country U23. E tar las dunnas d'elita ha Alessandra Keller gudagnà bronz, era en la cursa da cross country.
- Per la Grischuna Annik Kälin è l'occurrenza da sigl lung als campiunadis mundials a Tokyo a fin. En ses emprim sigl ha ella cuntanschì 6,36 meters. Il segund e terz sigl n'eran betg valaivels. Ils 6,36 n'han betg bastà per sa qualifitgar. L'atleta dal Partenz ha para mal vid il giarlet (tud. Sprunggelenk). Sche Annik Kälin po far part al heptatlon n'è anc betg cler. Quai veglia il team decider pli tard.
- La climatologa svizra Sonia Isabelle Seneviratne da l’ETH a Turitg survegn il Premi tudestg d’ambient da quest onn. Ella partia il premi cun duas autras persunas. Il premi è dotà cun 500'000 euros.
- Il naufragi da la regenza dal primminister franzos François Bayrou ha er consequenzas per l’economia: L’agentura da rating Fitch ha sbassà la bonitad da la Frantscha da «AA-» sin «A+», pia da «fitg bun» sin «stabil». Las raschuns sajan l’instabilitad politica e la malsegirezza en connex cun il budget.
La survista dal di
Themen in diesem Newsticker
- Drona russa sur la Rumenia
- Ballape regiunal: Valposchiavo gudogna 3:0
- Tennis: Per la Svizra è il Davis Cup a fin
- Chantun Vad: Nov record mundial en avrir buttiglias da vin
- HCD Ladies cumenzan stagiun nova cun ina sconfitta
- Adina dapli glieud bandunan Gaza Citad
- Duas medaglias svizras al campiunadi mundial da mountainbike
- Lecornu vul meglierar access al provediment da sanadad
- WM il Giapun: Annik Kälin betg qualifitgada – Frey vinavant
- Tunnel dal San Bernardino serrà