- La Polizia chantunala ha arrestà dus umens ch’han empruvà d’engular rauba or dal vitg evacuà da Brinazuls. Quai scriva la polizia. Dals sblundregiaders supponids sa tractia da dus umens da l’exteriur. Curt suenter 01:30 hajan els activà l’alarm, cura ch’els sajan entrads senza lubientscha en il vitg evacuà. Curt suenter haja la polizia pudì arrestar els a Surava. Ils chauns da polizia hajan chattà divers objects engulads en il territori.
- Sin ils glatschers svizzers hai pli pauca naiv ch'ils davos onns. L'avrigl e matg hajan ins mesirà en tut las regiuns quantitads da naiv d'enviern sut la media, quai mussan las datas da Glamos, la rait da mesiraziun da glatschers en Svizra. Sch'ins calculescha las datas da 21 glatschers sa resulta in deficit da 13% tar la naiv d'enviern – cumpareglià cun la perioda da referenza 2010 enfin 2020. Il glatscher dal Silvretta ha schizunt cuntanschì ina valur bassa da record – cun in deficit da 52%.
- Ils Stadis Unids e la China sbassan vicendaivlamain ils dazis da multa. Quai han annunzià omadus pajais suenter lur inscunter a Genevra. Ils dazis vegnan reducids per 115 puncts procentuals. Quai munta che la China pretenda anc 10% dazis sin products americans – e l'America ha anc 30% dazis. Questa cunvegna duaja valair per 90 dis.
Il di en survista
Themen in diesem Newsticker
- Parlamentarias da la Svizra ed UE èn s'inscuntradas a Brüssel
- Sentenzià spiuns en Gronda Britannia
- Hamas lascha liber ulteriur ostagi israelian
- Campiunadi mundial da hockey: Svizra gudogna cunter USA 3:0
- Ancelotti banduna Real Madrid per la naziunala da Brasilia
- Giuvna da 15 onns è vegnida mazzada en il chantun Argovia
- Xhaka procurà per eclat a la festa dal FC Basilea
- Cunter en il Partenz ha approvà il quint 2024
- Fomaz acuta en la Strivla da Gaza
- Presidenta dal Cosovo visita per dus dis la Svizra
