- La dretgira regiunala da l'Engiaina Bassa na po betg dar giu il cas da Adam Quadroni. Quai ha decis la dretgira superiura dal Grischun, sco il schurnal regiunal dad SRF rapporta. La dretgira regiunala ha vulì dar giu il cas perquai ch'il president da quella ha ina lunga preistorgia cun Quadroni.
- La Confederaziun ed ils chantuns survegnan passa 700 milliuns francs da la Banca naziunala Svizra. La raschun è che bancnotas veglias en la valita da prest ina milliardas francs n'èn betg vegnidas midadas enturn.
- La Svizra duai esser in dals proxims pajais cun ils quals ils Stadis Unids fetschian ina cunvegna da dazis generala cun ils Stadis Unids. Quai ha ditg la presidenta da la Confederaziun Karin Keller Sutter suenter discurs cun represchentants americans a Genevra. Quai veglia di che quella cunvegna vegnia finalisada en ina fin duas emnas e lura trametta als Americans. Sin quai vegnia ina delegaziun cun las duas secretarias dal stadi a far in viadi a Washington per cuntinuar cun ils discurs.
- L'Ucraina e numerus stadis europeics vulan stgaffir in tribunal extraordinari davart l'offensiva russa encunter l'Ucraina. Avant il tribunal duain vegnir accusads auts represchentants russ pervia da crim da guerra en l'Ucraina. La decisiun da stgaffir il tribunal extraordinari è crudada tar in inscunter da las ministras e minister da l'exteriur en la citad ucranaisa Lviv. La Svizra è er stada da la partida. Ella sustegna da principi ch'i vegn stgaffì in tribunal extraordinari, ha declerà il departament federal da l'exteriur sin dumonda da l'agentura da novitads Keystone-SDA.
La survista dal di:
Themen in diesem Newsticker
- Rast ed Odermatt èn sportists da naiv da l'onn
- Margot Friedländer è morta cun 103 onns
- Via a la NATO fitg grev per l'Ucraina
- FIFA: dapli equipas per il campiunadi mundial da las dunnas
- Nemo pretenda exclusiun da l'Israel al ESC
- Terrada per la Svizra en il Danemarc
- Keller-Sutter s'inscuntra cun il minister d'economia american
- Swiss na sgola vinavant betg a Tel Aviv
- Uniun Europeica vul in tribunal pervia da crim da guerra russ
- Statistica avrigl: dapli autos electrics, main motors termics
