- Gronda truscha è da spetgar a Cuira e conturn tranter ils 5 da zercladur ed ils 5 da fanadur 2026. Lura ha lieu la 59avla Festa federala da tir. Ils organisaturs han infurmà, ed els spetgan 100’000 visitaders e visitadras dasper ils var 36’000 tiradurs e tiraduras. Il motto da la gronda festa è «Tradiziun e passiun».
- Ils davos mais ha la Polizia chantunala arrestà quatter dealers da drogas en la regiun da Cuira. En tut han ins chattà var in kilo heroin e cocain. Dus dals umens tranter 19 e 39 onns han gia stuì bandunar la Svizra, sco la polizia annunzia.
- Hotelleriesuisse ha vulì savair da ses commembers tge ch’els spetgan da la stagiun d’enviern che stat avant isch. Ed ils blers hoteliers èn levamain optimistics, cunzunt quels en las regiuns alpinas. Là spetga mintga terz manaschi dapli svieuta.
Il di en survista
Themen in diesem Newsticker
- Il Tessin ed il Grischun han discutà davart temas communabels
- L’agid social per il basegn fundamental duai crescher
- Pass gia serrads per l'enviern
- Yakin sto desister d'in quartet
- Spargnar 300 milliuns francs en il sectur da sanadad
- Investir dapli en la protecziun cunter auas grondas
- Spagna augmenta agid per unfrendas da las malauras
- Festa da tir federala 2026 a Cuira
- Politica sto danovamian sa fatschentar cun experiments d'animals
- Pli aut stgalim d'avertiment en vista da la midada dal clima
Quai capita il mardi:
- Avant diesch dis ha il process cunter in anteriur derschader grischun fatschentà la glieud. I va per il suspect da violaziun e da mulestas cunter ina praticanta, capitadas avant var trais onns. Il mardi suonda la sentenzia da la Dretgira regiunala Plessur. Fatschentà ha ils davos dis, tge che la dretgira dastga dumandar en in process da violaziun.