- Il lutgader Curdin Orlik vegn segund a la festa da lutga da Weissenstein en il chantun da Soloturn. Il Grischun ch'abita en il chantun da Berna ha gudagnà quatter da sias lutgas e fatg dus paris. Victur da la festa sin il Weissenstein è Fabian Staudenmann daventà, medemamain in lutgader da la federaziun Bernaisa.
- Al meeting da Diamond League a Londra siglia la Grischuna Annik Kälin sin 6 meters e 72. Kälin vegn uschia 6avla. Tar ils umens siglia il Svizzer Simon Ehammer sin rang 5. Sin il podest a Londra siglia la Svizra Angelica Moser. Cun l'asta siglia e dumogna ella 4 meters e 73 centimeters. Quai munta plaz 3.
- Il traffic sin las vias svizras vers sid è stà sur bleras uras fitg intensiv. Sin l'autostrada A13 tranter Cuira e Rothenbrunnen hai gì dapi l'avantmezdi las 10 colonnas. Ed al portal nord dal tunnel dal Gottard stevan gia las 06:00 la damaun ils autos tranter Erstfeld e Göschenen sin ina lunghezza da 13 kilometers cun in temp da spetga da radund duas uras.
Il di en survista
Themen in diesem Newsticker
- Ucraina propona a Russia tractativas
- Tennis: Teichmann cuntanscha final ad Iasi
- Lutga: segund plaz per Curdin Orlik al Weissenstein
- Svizra cun podest al Diamond Meeting a Londra
- Ad Elm è planisà in museum per Vreni Schneider
- Rowdy va cun passa 100 km/h tras Roveredo
- Israel sajettia sin Palestinais sin via per agid, di la Palestina
- Republica Democratica dal Congo para cun pasch en vista
- Maestro Norrington na dirigia betg pli
- Centrala d'acziuns da polizia militara mida da Sion a Thun
