- La Cuppa grischuna da las dunnas va a Domat. Ellas battan Cuira 97 cun 2:1, grazia a dus gols da Zenia Obhof.
- Tar ils umens gudogna il favorit. L'US Schluein Glion batta il CB Lumnezia cun 5:3 suenter prolungaziun.
- Il parlament communal da San Murezzan deliberescha la summa da 5 milliuns francs a fond pers a favur dal project davart la modernisaziun da la plazza aviatica a Samedan. La decisiun finala vegn suttamessa al suveran a chaschun da la proxima votaziun a l'urna ils 29 da zercladur.
- A Blatten en il Vallais resta la situaziun privlusa. Cunquai ch'i pudess dar bovas da glitta dad omaduas varts da la val e la situaziun al Nesthorn pitschen è vinavant instabila, na saja betg da patratgar vid acziuns en il vitg. Las autoritads han infurmà da las sis davart il stan actual.
- Il detaglist Spar Svizra vegn vendì. Quai annunzia il concern mamma, la Spar Group da l'Africa dal Sid. En Svizra datti 360 filialas cun 1'600 collavuraturs e collavuraturas.
Il di en survista
Themen in diesem Newsticker
- Dazis da Trump puspè en vigur
- Liverpool: Accusà automobilist pervi da blessura corporala
- Proposta per pausa da cumbat en la Strivla da Gaza
- Il favurit gudogna: 5:3 per l'US Schluein Glion
- Blatten: la Lonza pudess rumper atras la notg che vegn
- Cuppa grischuna: CB Domat èn las reginas dal ballape grischun
- Portugal: Partida populistica gudogna sezs en il parlament
- Caritas e Crusch Cotschna sustagnan Blatten cun 400'000 francs
- In di nagins autos sin quatter pass grischuns
- San Murezzan deliberescha 5 milliuns per la plazza aviatica