Siglir tar il cuntegn

Header

cuntegn

In chapitel stgir Strias en Val Poschiavo

Chaussas misteriusas, perditas da racoltas ubain era ina mort nunspetgada – quai duvrava in culpabel – melgder detg – ina culpabla. La stria.

130 documents descrivan la persecuziun da las strias durant il 17avel e 18avel tschientaner en Val Poschiavo. Igl è in chapitel fitg stgir, barbar che vegn illuminà tras l’exposiziun speziala en il Museo Poschiavino.

Ils 130 process èn las perditgas dad in temp, nua che cretta e superstiziun, il bun ed il nausch stattan visavi in a l’auter. Per la perdita da la racolta, per malsognas ni era per ina mort nunspetgada era da chattar in culpabel – e quai eran per gronda part dunnas u uffants. La pli giuvna era be 12 onns veglia. Sut tortura crudela han las atgisadas confessà lur colliaziun cun il diavel ed èn vegnidas stgavazzadas e suenter arsas – tut quai en preschientscha da la populaziun.

L’exposiziun speziala, represchentaziuns da teater e referats duessan animar da reflectar davart violenza e temas – durant il passà ma era en il temp dad oz.

audio
Istorgias da persecuziun en il Museo Poschiavino
03:41 min, Actualitad dals 27.07.2021.
laschar ir. Durada: 03:41 minutas.

RTR actualitad 17:00

Artitgels legids il pli savens

Scrollar a sanestra Scrollar a dretga