Siglir tar il cuntegn

Header

cuntegn

Incap sin ils binaris Posta A na po betg vegnir distribuida oz

Oz arriva la posta cun retard en il Grischun. Sco La Posta scriva, na possia La Posta perquai betg purtar ora tuttas brevs da posta A, cunquai che postinas e postins sajan gia sin tura cun brevs da posta B, pachets ed ina gronda part da las gasettas. Persunas ch'han ina chascha postala pon retschaiver en il decurs dal suentermezdi lur posta.

Ma er tschertas gasettas sajan pertutgadas: Lecturas e lecturs da «La Quotidiana» e «Pöschtli» na survegnian oz nagina gasetta. Il rest da la posta vegn messa tiers damaun cun la proxima tura regulara.

La raschun per il disturbi è in incap sin ils binaris en la regiun da Thalwil. Betg pertutgà dal disturbi èn l’Engiadina e las Valladas dal Sid. Per quellas regiuns arrivan brevs e pachets sin via e betg sin binaris.

audio
Per tadlar: Las novitads da las 12:00
ord RTR Audio dals 28.10.2021.
laschar ir. Durada: 4 minutas 25 Secundas.

RTR novitas 12:00

Artitgels legids il pli savens