La vischnanca da Domat adattescha sias indemnisaziuns per la lavur politica. Il cussegl da vischnanca ha approvà la proposta da la suprastanza 12:2 vuschs. Las novas indemnisaziuns mainan a radund 60'000 francs custs supplementars, sco la vischnanca communitgescha.
Cun questa revisiun sajan las indemnisaziuns adattadas ed i saja ussa in sistem simplifitgà ed unifitgà per las indemnisaziuns per persunas ch'exequeschan in uffizi en vischnanca. Tranter auter èn unifitgadas las indemnisaziuns per las cumissiuns e lur sesidas e da la suprastanza communala.
Il december 2020 aveva il cussegl da vischnanca da Domat anc refusà questa revisiun totala da l'ordinaziun da las indemnisaziuns. Quai surtut en vista a la situaziun tendida da corona da lezzas uras.