L'iniziativa da giustia n'ha gì nagina schanza tar il pievel svizzer. Tut ils chantuns han refusà l'iniziativa ed er total 68,1% da la populaziun. L'Appenzell Dadens di il pli cler Na, cun prest 78% da las vuschs.
Iniziativa da giustia
Svizra: Iniziativa da giustia
-
GEA
1'095'174 Vuschs
-
NA
2'334'980 Vuschs
Vuschs dals chantuns
- GEA
- Na
Er en Grischun fa l'iniziativa cleramain naufragi
L'iniziativa da giustia n'ha gì nagina schanza en il Grischun. Suenter che tuttas vuschs da total 101 vischnancas èn dumbradas, vegn l'iniziativa sulettamain sin 33,6% da las vuschs. Gnanc ina vischnanca ha approvà l'iniziativa.
Iniziativa da giustia
L’iniziativa pretendeva che derschadras e derschaders federals vegnan elegids cun trair la sort. Uschia na fissan els betg stads liads vid partidas politicas e lur neutralitad garantida. Ordavant avess ina cumissiun fatg ina preselecziun tenor criteris persunals e professiunals.
L'iniziativa ha gì davent da l'entschatta in grev stan tar la politica. Tut las partidas grondas da la Svizra e dal Grischun avevan refusà quella.
