Siglir tar il cuntegn

Header

Legenda: La regenza grischuna è s'inscuntrada cun cusseglier federal Ignazio Cassis. MAD
cuntegn

Inscunter cun Ignazio Cassis Discutà davart la plurilinguitad

La plurilinguitad è in tema fitg impurtant per il cusseglier federal Ignazio Cassis ed il chantun Grischun saja cun sias trais linguas il dretg lieu per promover las minoritads rumantschas e talianas.

Jau sun quasi predestinà da s'engaschar per las minoritads linguisticas – per mai è quai absolutamain ina chaussa che stat a cor.
Autur: Ignazio Cassis cusseglier federal

In dals temas principals da l'inscunter da la regenza grischuna ed il cusseglier federal Cassis èn perquai las linguas e las mesiras per promover e mantegnair il rumantsch e talian stà. Quai betg mo en il Grischun, mabain insumma en Svizra. Projects concrets per quest intent èn per exempel l'exposiziun «Rumantsch è...», la «emna rumantscha», la conferenza annuala dals ambassadurs da la Svizra ch'è planisada l'auter onn a Puntraschigna u la Scola svizra a Milaun.

audio
Co statti cun il sustegn dal talian en il chantun Grischun?
03:34 min, Actualitad dals 11.10.2021.
laschar ir. Durada: 03:34 minutas.

Dapli talian en scolas ed administaziun

La Pro Grigioni Italiano, che s'engascha en il chantun Grischun per la promoziun dal talian è cuntenta ch'ì dat schlantsch dal chantun e da la Confederaziun per il talian. Ella giavischass dentant dapli promoziun taliana en l'administraziun ed en la scola bilingua. Era per quests giavischs ha Ignazio Cassis chapientscha. El manegia dentant ch'ì saja betg uschè simpel da realisar l'intent en l'administraziun. Per dentant promover en spezial il talian là datti il project «Piccolo Erasmus» che prevesa il barat da collavuraturs e collavuraturas tranter las administraziuns chantunalas tessinaisas e grischunas ed il Departament federal d'affars exteriurs a Berna, il departament da Ignazio Cassis. Era davart il stadi da quest project è vegnì discutà.

Ord l'archiv

Il favrer 2021 ha vgì lieu a Berna l'emprima emna rumantscha. Nua che dumondas sco: Tge rolla gioga il rumantsch en Svizra? E co pon instituziuns e cultura promover la lingua? èn stadas en il center.

video
Livestream – Il rumantsch e sia rolla
Or da RTR Social dals 19.02.2021.
laschar ir

RTR novtiads 14:00 ;

Artitgels legids il pli savens

Scrollar a sanestra Scrollar a dretga