Siglir tar il cuntegn

Header

cuntegn

Interess magher Pasturas e pasturs voluntaris be sporadic en servetsch

La Pro Natura ha scolà radund 40 interessentas ed interessents per il project «Pasturs voluntaris» che duain gidar a sustegnair pasturas e pasturs sin alps ch'èn sut squitsch da lufs. Ils voluntaris fissan pronts, ma vegnan en acziun be a moda sporadica.

Legenda: Voluntarias e voluntaris emprendan ad in curs co igl è dad installar correct las saivs da protecziun. Pasturs voluntaris

L'interess per il project «Pasturs voluntaris», che vul sustegnair pasturas ed alps ch'èn sut squitsch da lufs a montar saivs da protecziun, è magher. Els hajan scolà 41 tals pasturs e pasturas, ha ditg il responsabel dal project tar la Pro Natura, Patrizio Decurtins envers las gasettas da Somedia. Fin uss hajan ils pasturs voluntaris prestà 38 dis da lavur sin alps e manaschis en Surselva ed en il Partenz.

Damai che l'interess per clamar ils pasturs è plitost pitschen, ha il responsabel contactà vischnancas en Surselva, ed el pledenta glieud da las alps e purs. E tuttina tira Decurtins ina bilantscha positiva. Il basegn saja qua. Perquai examinescha la Pro Natura sco il project vegn cuntinua proxim onn e cun tge partenaris.

RTR novitads 06:00

Artitgels legids il pli savens

Scrollar a sanestra Scrollar a dretga