Siglir tar il cuntegn
Inhalt

Interna Svizzers e Svizras lavuran adina damain

Sco lavurus e diligents valan las Svizras ed ils Svizzers. Quai maletg correspundia dentant adina pli pauc a la realitad, quai scriva la gasetta NZZ da la dumengia.

Biro cun trais persunas che lavuran vid computers.
Legenda: Pervia da la bainstanza en Svizra san adina dapliras persunas sa lubir da lavurar parzialmain. Keystone

Il temp da lavur annual è en Svizra en media tar 1'562 uras, quai mussa in nov studi da l'Institut da perscrutaziun da la conjunctura KOF. Uschia è quel mo pauc pli aut ch'en Frantscha cun 1'474 uras. La raschun per questa pitschna differenza è che bleras e blers en Svizra lavuran a temp parzial. L’onn 1950 lavuravan Svizras e Svizzers anc 2'400 uras ad onn. Quai era anc var la mesadad dapli ch'ozendi.

Blers pajais pli lavurus ch’ils Svizzers

En blers pajais lavuran emploiads en media dapli ch’en Svizra. Uschia per exempel en l’Austria (1608 uras), en Gronda Britannia (1674 uras) ed era en ils Stadis Unids da l’America (1770 uras). Sin las pli paucas uras da lavur vegnan ils tudestgs cun 1371 uras per onn.

RR actualitad 09:00