Siglir tar il cuntegn

Header

audio
Exposiziun davart Johann Coaz en il Museum Retic
Or da Actualitad dals 28.10.2021.
abspielen. Laufzeit 3 minutas 28 Sekunden.
cuntegn

Johann Coaz In dals emprims protecturs d'ambient insumma

In'alpinist e topograf ch’ha prestà bler per il Grischun ed la Svizra en il 19avel tschientaner, quai è Johann Coaz. Dasperas è el avant 200 onns s’engaschà per la protecziun d’ambient e stà in dals fundaturs dal parc naziunal svizzer. Ussa survegn el in'exposiziun en il museum retic a Cuira.

Mesirar e cartografar

Johann Coaz ha topografà ina gronda part da cuntradas, pizza e glatschers en il Grischun Central ed en l’Engiadina, declera la directura dal museum retic Andrea Kauer envers il schurnal regiunal da SRF. Grazia a sia lavur han bleras regiuns survegnì «ina fatscha». Las dimensiuns da las regiuns grischunas èn tras Johann Coaz daventads pli claras e survesaivlas. Medemamain è el stà l’emprim ch’è raivì sin il Piz Bernina – quai cun 28 onns.

Gia baud realisà problems d’ambient

Suenter sia expediziun imposanta sin il Piz Bernina daventa el l’emprim inspectur forestal dal Grischun, pli tard schizunt inspectur federal. Cura ch’el vesa con fitg ch’il guauds vegnan resgiads giu, sa decida el d'organisar da nov la selvicultura. Medemamain vegn el puspè da domiciliar il capricorn en il Grischun.

Blers eveniments ch’èn capitadas en il 19avel tschientaner defineschan co nus vivain oz, declera la directura dal museum retic Andrea Kauer. L’alpinist e topograf Johann Coaz haja gì ina gronda influenza sin il futur. Cun l’exposiziun veglia il museum retic dar ina plattafurma ad ina persuna ch’ha gì ina gronda influenza sin il svilup dal Grischun e da la Svizra.

L'archivar recumonda

Il piunier Johann Wilhelm Coaz

Il guaud steva fitg a cor a Coaz. Per plantar plantas da mamut en il Grischun aveva el importà sems ord la California. Il film da Cuntrasts dal onn 2000 tracta surtut la premiera da l'ascensiun dal piz Bernina. Era quai ina acziun da piunier da Johann Wilhelm Coaz.

video
Il piunier Johann Wilhelm Coaz
Or da L’archivar recumonda dals 10.09.2000.
abspielen. Laufzeit 12 minutas 50 Sekunden.

RTR actualitad 17:00

Artitgels legids il pli savens

Scrollar a sanestra Scrollar a dretga