Siglir tar il cuntegn

Header

cuntegn

L'exposiziun da professiuns RTR a la Fiutscher – co chattar l'emprendissadi adattà?

Cun ils scolars Haron Soltani e Laura Breitenbrunner e lur scolast Daniel Dedual avain nus discurrì davart la tscherna d'emprendissadi. Plinavant avain nus discurrì cun Laura Schmed e Sabina Schnider davart las bellas e betg uschè bellas varts da la gastronomia ed hotellaria.

video
Las bellas e main bellas varts da l'hotellaria cun Sabina Schnider e Laura Schmed
Or da RTR Social dals 18.11.2021.
abspielen. Laufzeit 15 minutas 7 Sekunden.

Las bellas e betg uschè bellas varts da la gastronomia e hotellaria

  • Sabina Schnider, 25 onns, ha fatg l'emprendissadi sco spezialista da restauraziun en in hotel. Avant 5 onns ha ella midà branscha, lura fatg in emprendissadi sco commerzianta e lavura uss sco referendaria en in biro da fiduziari.
  • Laura Schmed, 20 onns, è spezialista d'hotellaria e communicaziun e fa uss il studi da management da hotel en la Scola da hotel a Passugg.

Fiutscher è in'exposiziun da plazzas d'emprendissadi e furmaziun professiunala ch'ha lieu ils 17 enfin ils 21 da november 2021 a Cuira.

Fiutscher

Avrir la box Serrar la box

Gia il sisavel onn datti la Fiutscher – la suletta exposiziun da professiuns en la Svizra Sidorientala.

88 differents expositurs sa preschentan a la Fiutscher.

Davart 152 professiuns d'emprendissadi e 243 furmaziuns professiunalas pon ins s'infurmar a la Fiutscher.

Tscherna e sfida da chattar il dretg:

RTR ha fatg ina discussiun davart la tscherna e las sfidas da chattar ina plazza d'emprendissadi adattada e quai cun:

video
Fiutscher: Discussiun davart chattar emprendissadi
Or da RTR Social dals 17.11.2021.
abspielen. Laufzeit 13 minutas 16 Sekunden.
  • Haron Soltani, 14 onns e scolar da la segunda scola secundara a Savognin
  • Laura Breitenbrunner, 15 onns e scolara da la terza scola reala a Savognin
  • Daniel Dedual, scolast secundar a Savognin, el instruescha tranter auter il rom orientaziun professiunala

Datti insumma avunda emprendists?

Igl è ina sfida per las interpresas da survegnir emprendistas ed emprendists. U d’als motivar da restar en la clamada.

video
Fiutscher – Datti avunda emprendists?
Or da RTR Social dals 18.11.2021.
abspielen. Laufzeit 4 minutas 3 Sekunden.

RTR actualitad 11:00

Artitgels legids il pli savens

Scrollar a sanestra Scrollar a dretga