Siglir tar il cuntegn

L'urs en il Grischun «I sto dar ina soluziun internaziunala per urs problematics»

La regenza grischuna vul che urs problematics vegnian gia sajettads giu en l'Italia avant ch'els arrivian en il Grischun. L'inspectur da chatscha federal, Reinhard Schnidrig, ha tutta chapientscha per quest giavisch.

L'inspectur da chatscha federal, Reinhard Schnidrig.
Legenda: L'inspectur da chatscha federal, Reinhard Schnidrig. Keystone

«Nus na pudain betg schliar la chaussa cun ils urs problematics persuls en Svizra. I sto dar ina soluziun internaziunala per l'entir territori da las Alps», ha Schnidrig ditg en ina intervista cun il Tages Anzeiger. I stoppia esser en l'interess dals pajais da las Alps, d'allontanar ils paucs urs problematics ad uras. Mo uschia possia ins crear en la populaziun pertutgada in'acceptanza per ils urs.