Protecturs da natira talians denunzian la Svizra

L'organisaziun taliana per la protecziun da l'ambient Legambiente denunzia la Svizra tar il cussegl da l'Europa a Strassbourg. Quai en connex cun il culp da l'urs M13, sco quai che la SonntagsZeitung rapporta.

Pliras acziuns da spaventar n'hajan gì nagin success. Bild in Lightbox öffnen.

Legenda da maletgs: Pliras acziuns da spaventar n'hajan gì nagin success. Keystone

Cun sajettar giu M13 haja la Svizra cuntrafatg a la convenziun da las Alps ed a la convenziun da Berna, la cunvegna dal cussegl da l'Europa davart la protecziun da plantas ed animals selvadis. Quai fa l’organisaziun a savair en ina brev tranter auter adressada a la cussegliera federal Doris Leuthard ed al cusseglier guvernativ grischun Hansjörg Trachsel. L'agir da las autoritads svizras saja inacceptabel, uschia Legambiente.