La Verda dal Grischun ha decis sias parolas per las votaziuns federalas dals 28 da november. Uschia di la partida Gea a l'iniziativa da tgira. Quella garanteschia, ch'i dettia er en l'avegnir avunda persunal da tgira grazia a meglras cundiziuns da lavur. La cuntraproposta dal parlament na bastia però betg.
In Gea datti er per la lescha da Covid-19. Sche quella vegnia refusada, sajan mesiras da sustegn periclitadas, uschia in dals arguments.
In Na datti percunter per l'iniziativa da giustia. Tenor la partida garantescha la procedura da fin qua ch'i vegn elegì derschadras e derschaders federals ch'èn cumpetents ed independents.