Siglir tar il cuntegn

Header

cuntegn

Langwies Automobilist sa depurtà a moda privlusa

Sin la via dad Arosa a Cuira ha in automobilist surpassà pliras giadas a moda privlusa autos. A Cuira ha la polizia lura franà l'automobilist. La Polizia chantunala tschertga ussa perditgas.

purtret d'in Audi nair.
Legenda: Il manischunz da l'Audi saja charrà a moda fitg privlusa ed ha mess en privel er autras persunas cun ses andament. Polizia chantunala

L'automobilist franà, è stà da viadi cun Audi A8L cun in numer da l'Argovia, sonda tranter las 12:15 e las 12:45, dad Arosa en direcziun Cuira. Ina situaziun privlusa haja dà sut Langwies, nua ch'in auto che gieva correct direcziun Arosa, ha stuì guntgir sin ina plazza da la vart da la via.

Tschertgà vegn er il manischunz d'in bus da VW che haja stuì franar fitg ferm, tar in segund manever da vargar dal mnischunz en l'Audi. Er ulteriuras persunas che possian far indicaziuns davart ils manevers duain s'annunziar tar la Polizia chantunala.

RTR novitads 14:00

Artitgels legids il pli savens

Scrollar a sanestra Scrollar a dretga