Siglir tar il cuntegn

Header

cuntegn

Las observaziuns dal 2021 Ils mustgins asiatics sa derasan vinavant

Dapi il 2016 lascha il Grischun observar co las spezias da mustgins sa derasan. Ed il chantun constatescha che las singulas spezias da mustgins asiatics progredescha vinavant.

Ma betg tut las parts dal Grischun sajan pertutgadas da medema maniera, communitgescha l’incumbensà Uffizi per la natira e l’ambient. En il Mesauc èn s’augmentads cun il temp ils lieus nua ch’ins ha constatà regularmain mustgins, da San Vittore vers Cama. En la vischnanca da Brusio en il Puschlav han ins constatà ina derasaziun significanta dal mustgin da Corea, sco era dapli singuls chats dal mustgin-tigher. En la Bregaglia è il dumber d’omaduas spezias sa reducida cleramain.

Las controllas cuntinueschan

La regenza ha uss incumbensà l’Uffizi per la natira e l’ambient, en collavuraziun cun tschertas vischnancas – da vinavant observar las spezias da mustgins estras invasivas. Fin uss han ins fatg il monitoring en las parts pli bassas da las vals grischunas dal sid, sin singulas plazzas da pussar ed a tscherts access d’autostrada per lung da la via naziunala A13, sco er en entgins lieus en la regiun da Cuira. Tut tenor vegnan ils lieus d’observaziuns adattads.

video
Mustgin-tigher – la situaziun il 2017
Or da Saira tematica +3° dals 29.11.2017.
laschar ir. Durada: 2 minutas 29 Secundas.

RTR novitads 12:00

Artitgels legids il pli savens